Santiago de Compostela, primavera de 2026.- Traemos á nosa lingua As pequenas virtudes, dous textos dunha das grandes autoras da posguerra, Natalia Ginzburg, que consideramos imprescindibles, por orixinais e honestos, sobre a educación e as relacións humanas. Decidimos seleccionar dous relatos ûsituados a medio camiño entre o ensaio e a autobiografíaû, dos once que integraron orixinalmente o volume Le piccole virt- (Turín, 1962) de Natalia Ginzburg (Palermo, 1916-Roma, 1991): o que dá título a este libro, «As pequenas virtudes», escrito en Londres na primavera de 1960, e, previamente, o titulado «As relacións humanas», escrito en Roma en 1953. Contamos, para o noso proxecto, cunha tradutora de excepción, a Premio Nacional de Tradución María Alonso Seisdedos, quen xa t rouxera ao galego a inesquecible Léxico familiar (Laiovento, 2022), o grande éxito de vendas de Ginzburg, que vería a luz precisamente moi pouco despois destas «pequenas virtudes». Con estes dous relatos Natalia « fala» por segunda vez na nosa lingua. Oxalá veñan máis traducións. «As relacións humanas» e «As pequenas virtudes » tiveron o poder de cambiar o noso xeito
