A través destas páxinas coñecemos a vida e obra de Maruja Mallo, unha das pintoras máis importantes do século XX, tanto pola súa arte coma pola súa personalidade apaixonante, rebelde e transgresora. Adiantada ao seu tempo, viviu sen ataduras nunha sociedade que non aceptaba ás mulleres libres e independentes. Pero gozou dos cambios sociais do inicio do século. Padeceu as consecuencias da guerra do 1936 e sufriu o exilio. Porén, entusiasmada pola maxia das cores e as formas xeométricas, realizou o seu soño de vivir entre pinceis e lenzos.
