Medio sol amarelo ambiéntase nun momento clave da historia contemporánea africana: o da loita de Biafra por conseguir a independencia de Nixeria, a finais da década de 1960, e a guerra civil a que deu lugar. Este conflito cambiará a vida de Olanna, que abandona a comodidade da capital nixeriana para vivir nunha cidade pequena e poeirenta con Odenigbo, profesor universitario de ideas revolucionarias, e co seu servente Ugwu. Kainene, irmá xemelga de Olanna, é unha muller máis práctica e menos idealista, pero a guerra tamén afectará a súa vida e a de Richard, o seu prometido inglés.
