O XOGUETEIRO

Nas terras do norte, entre montañas e bosques máxicos, vive un vello xogueteiro, coñecido por crear os brinquedos máis marabillosos do mundo. Porén, cando intenta fabricar algo especial para si mesmo, a súa creación rómpese e comeza unha viaxe inesquecible na procura dunha solución. No camiño, atopará sabios druidas, pallasos alegres e unha rosa máxica, cada un cunha ensinanza para compartir. Un conto musicado que nos lembra que ás veces a resposta que buscamos está máis preto do que imaxinamos.