Eh! Eh! Amodiño...! Nin todos os gatos levan botas nin todas as bruxas son malvadas nin todos os príncipes se converten en ras. Iso sonche contos! Este é un libro sobre gatos condenados a calzarse, viúvas afeccionadas á moda, amantes dos animais, avalanchas de ratos, frautistas retirados, albaneis de servizo, estraños aparellos que sosteñen a lúa, bruxas nun mal día, revoltas populares, reis, raíñas, princesas... que conta a incrible (pero certa) historia de como as ras acabaron gobernando o mundo.
