Unha falsa luz, a novela que remata este extenso ciclo narrativo que abrangue desde o reinado de Alfonso XIII aos estertores da ditadura franquista, céntrase na represión relixiosa e social sufrida polos protestantes durante os anos da falsa e enganosa apertura. Un mundo escuro e abafante que provoca o exilio de boa parte dos evanxélicos galegos á Arxentina logo dunha persecución sen tregua. Nesta terceira parte da triloxía "Evanxélica memoria", Xavier Alcalá continúa o relato da historia oculta das comunidades evanxélicas en Galicia.
